CUBICULARIUS

CUBICULARIUS

Papiae ex Sosipatro, Custos Cubiculi; Graece Ε᾿υνοῦχος, namque etiam custodire, τὸ ἔχειν significat. Leo, Nov. de Eunuchis 98. Καὶ τῆς ἐυνῆς ἀνυπόπτους φύλακας εἶναι, τοῦτο γὰρ ἡ κλῆσις ἐγγυᾶται. Vide Cuiacium, in l. ff. de lib. et posth. ambros. Ep. 5. ubi Gallicanus, cubiculi Praepositus, Eunuchus regius dicitur. Apud Socratem Eutropius, ἐυνοῦχος προεςτὼς τȏυ βασιλικοῦ κοιτῶνος, Eunuchus praepositus Cubiculo regio et primus. Eunuchorum Consul factus, dicitur Euagrius quoque, l 4. Οἱ τοῖς βασιλικοῖς ἐξυπηρετούμενοι κοιτῶσι τοὺς ἐυνούχους ἠ σηνήθειαικαλεῖ, inquit, Qui regiis cubiculis inserviunt, Eunuchi vulgo dicuntur. Claudian. l. 1. in Eutrop. v. 417.

Praefecti sed adhuc gemmis, vestique dabantur,

Custodes, sacroque adhibere silentia somno.

Militia Eunuchi numquam transgressa cubile:

Non vita spondente fidem: sed inertia tutum,

Mentis pignus erat. secreta monilia servent,

Ornatus curent Tyrios. --- ---

Hôc enim habitu naturae fuit Eutropius is, quô Consule omnia monstra cessisse, scite idem Claudianus ait: quemque in Cyprum

insul. regelgatum, facultatibus eius in fiscum coactis, testatur, l. 17. de poen. in Cod. Theodos. Unde appatet, castratis cubicnlariis, qui vulgari appellatione Eunuchi audiunt, postmodum Principes, ad cubiculi tutelam, plerumque fuisse usos, more a Barbaris Principibus mutuatô. Hinc Imperatores Eunuchum sacri cubiculi ministeriis adhaesurum, dixêre in l. 4. C. de praepos. sacr. Cubic. l. 12. Vide Ioh. Laurentium I Ctum, notis in Phaedrum, fab. 5. l. 4. et de Cubiculariis veter. Persiae Regum supra aliquid voce Chiliarchus. In Imperio Romano Elector Brandenburgicus Imperii Archicameratius dicitur, nomine a Camera, quae Germanis Cubiculum designat, desumptô. Imperatores enim Romani olim suos Cubicularios seu sacri Cuhiculi praepositos habebant, inter quos Primicerins erat, cuius officium cum hoc quadantenus coincidit. Limuaeus Enucleat. l. 2. c. 10. Vide de Cubiculariis Regum Franciae, infra. Infra quoque Parachimumenus, ubi de Imperatorum Constantinopolit. Cubiculariis, ut et aliquid voce Praepositi it. Praepositus. Imperator. Interdum idem, qui Camerarius seu Thesauri Regii custos est. Vide supra Bibliotheca. Namque et Cubiculum idem nonnumquam quod Camera est; Aetatium, Thesaurus Principis seu locus, ubi reconditur: quâ notione etiam vox occurrit apud Ann. Comnenam, Alexiad. l. 2. p. 56. Sed et iidem aliquando Cubicularii, cum Capellanis sunt, Sacellorum scil. quae et ipsa Cubicula dicuntur, Custodes, etc. Vide Car. du Fresne, Glossar. et supra in voce Cantor:

Cubicularii Regum Franciae I. et II. stirpis.

Ebero sub Childeberto, Austrasiae Rege. Faraulfus sub Chilpetico I Eberulfus sub eodem. Chundo sub Gunthranno, apud Gregor. Turonensem, l. 7. c. 13. 18. 21. et l. 10. c. 10. Bertharius sub Theodorico II. apud Fredegarium, c. 38. Austrapius sub Dagoberto I. in vetere Charta. Adalgisus, sub Carolo M. apud Eginhardum. Reginfredus, sub eodem, Ibid. Rothbernus, sub Carolo Calvo A. C. 852. Vide Andradum in Revelat. etc.